Milli Basketbol Assosiasiyasının müntəzəm çempionatında daha bir görüş keçirilib Şərq Konfransında yarışan “Şarlott Hornets” autsayder “Detroyt Pistons”u qəbul edib. Görüşə daha yaxşı başlayan Şarlott komandası ilk hissədə qalib gəlib – 30:22. Üstünlüyü əldən verməyən meydan sahibləri böyük fasiləyədək xal fərqini 9-a çatdırıblar. 48-39. Digər hissələrin birində Detroyt basketbolçuları qələbə qazandıqları halda, o birində “Şarlott” komandası üstün olub. Yekunda meydan sahibləri qalib gəliblər: “Şarlott Hornets” - “Detroyt Pistons”: 105:102.
Görüşün ən yaxşısı Cerami Qrant seçilib. Detroyt basketbolçusu 32 xal, 8 ribaund, 4 məhsuldar ötürmə ilə diqqət çəkib.
Qeyd edək ki, Qərb konfransına “Yuta Cazz” başçılıq edir. Şərq Konfransında isə "Filadelfiya Seventi-Siksers" liderdir.